Jannike Bentsdtr. Sandbech

Notes:

39) Mats Olson Broch, var 47 år gl. i 1701, d. 1733. G. m. Jannike Bentsdtr. Sandbech, Sønstabø, d. 77 år gl. i 1730. Jannike var truleg sjukleg, for ho er berre nemnd ein gong, i kjeldene. Born: a. Bent, f. 1695, g. Sønstabø. Mats arva halve bruket etter verfaren og fekk skøyte i 1694. Han tok truleg over bruket då, Han var brukar åleine til 1711 då sonen Bent fekk bygsla helvta. Dei var brukarar saman til Mats selde i 1732. Mats var velstandsmann og ein vyrd mann i bygda. Han var kyrkjeverje og lagrettemann.' Jannike og Mats sin sönn: '40) Bent Matsson Sønstabø, f. 1695, d. 1771. G. m. Brita Olsdtr. Alvsvåg, f. 1698, d. 1785. Born: a. Mats, f. ikr. 1719, g. Meling. b. Anna, f. 1721, g. Fylkesnes. c. Johanne, f. 1724, g. Mehus. d. Ola, f. 1727, g. Sønstabø. e. Bol, f. 1730. f. Bol, f. 1731, d. 1754. g. Bent, f. 1735, d. 1753. h. Brita, f. 1739, g. Sønstabø. Bent bygsla halve farsbruket i 1711. I 1732 kjøpte han heile bruket, og var brukar av det, bortsett frå fjordeparten som han bygsla til ein Johannes, truleg em nær frende - til 1742 då Bent tok over denne parten og. Han var so brukar av heile bruket til 1754, då sonen Ola fekk helvta. Resten bruka han til 1759. Med kona fekk Bent ein part i Geitung, 1 pd. smør som på skiftet etter han vart utlagt på ekkja og borna. Dei selde seinare til Jokum Piil, Mehus. Bent arva og ein part i Alvsvåg, Lindøyno, i laksvågane Skotningen og Skaget under Geitung og ein part i Svortland. Dette selde han til verbrørne. Bent var velstandsmann. Det vart halde skifte etter han i 1771. Netto i buet var 157 rdl. utanom jordegodset. 3 kyr, 3 kviger, 1 stut og 1 kalv er nemnde. Han var då vilkårsmann. Noko sylv var det og i buet. På skiftet kravde Jokum Piil at dei 2 arvingane Ola og Brita skulle svara, den eine I rdl. og den andre 5 rdl. 'i fløtning' fordi dei hadde butt heime. Til det svara dei at forutan at faren hadde lova at de skulle vera fri og ikkje svara dette ' - har de og al tiid haft ham som en gl. Mand med sig paa fiske og deelt halft med ham, uagted hand til inted duede. ' jordegodset i Sønstabø vart utlagt med helvta på ekkja og helvta på borna. Ekkja sin part kjøptesonen Mats Meling, og borna sin part kjøpte sonen Ola. Bruket vart då delt i 2 like bruk. Det eine fekk seinare bnr. 3. Det andre vil me her nemna bruk B'l.'

Notes:

Bømlo Bygdebok I, s. 643, Sønstabøvågen: Bent Michelson Sanbech, frå austre Bakholmen i Austevoll vart brukar i 1661. Han var då truleg eigar av ein mindre part i garden. Ved kjøp og pant vart han litt om senn eigar av meir, og i 1674 fekk han skøyte frå futen Iver Knudsen Gram på 1 laup smør, 1 hud og var då eigar av heile garden, og frå 1669 brukte han heile garden åleine. Bent var handelsmann og gastgjevar i Sønstabøvågen, og var truleg den første som tok til med handel her. Bent var brukar til ikring 1682. I 1685 var han komen attende til Bakholmen. Han var då vorten ekkjemann og hadde lege tilsengs i omlag 2 år, lama, truleg hadde han fått 'slag'. Han hadde då 2 born hjå seg. Kona heitte truleg Anna Lauritsdtr. ell. Anna Brose Andersdtr. 5 born er kjende: a. Hans styrde garden og handelen i Sønstabøvsgen i 1692, seinare handelsmann i Bakholmen. b. Lars Bentsen Sandbech, g. Geitung. c. Maren, g. m. Mikkel Olrich i Bakholmen. d. Anna Cathrine, g. m. Casper Warner i Sønstabøvågen. e. Jannike, g. m. Mats Olson Broch, Sønstabø. (Bent var truleg 64 år gl. i 1665.) Bent var kyrkjeverje i mange år.