| Notes |
- Mosaga låg nede i mange år inntil Ola Slettemoen omkring 1860 bygde den opp att, då også som oppgangssag. Kring 1890 vart saga bygd om til sirkelsag, og om lag år 1900 fekk den også høvel. I åra då Bergensbanen vart bygd, kjøpte Ola og Ivar Slettemoen timmer og selde så materialane til anlegget. I 1921 vart saga selt til Olav O Nødre Reinton, Mikkel Slettemoen, Asle Bakka og Ola K Brøto for 3000 kroner. Frå 1926 vart Ola K Brøto eineeigar. Saga vart lagt ned i slutten av 1930 åra.
Du kan enno sjå restar av Mosaga. Her finn me gamle reimskiver og hjulgangar og akslingen til vasshjulet ligg enno på bakken der vasshjulet i si stod. Mosaga vart heile tida drive av vasshjul.
Vegvesenet tilbaud eigaren ein ny elektrisk motor då dei la om vegen i staden for at dei måtte mure fint opp vasskanalen – men eigaren sa nei, her skulle vera vasshjuldrift! Står du ved vasshjulakslingen og ser mot vest så ser du enno restar av murane som vassrennene har stått på. Dei var ganske høge, og det fins også restar av sjølve rennene litt lenger mot vest. Dei som ligg der i dag er restar at dei som vart laga til når saga vart bygd i år 1800. Oppe ved rennene er det også restar etter eit par små hus – det var felles slipesteinhus for Reintongardane og Slettemogardane. Hit måtte dei gå med ljårne for å få slipt dei i slåtten for grove (bekken) i Reintongardane var oftast turr om sumrane. Ein kan også framleis sjå litt av inntaket for vatnet til vassrennene. I tillegg til renna som førde vatn til vasshjulet var det også bygd ei renne ved sida av som ein brukte til å fløyte timrestokkane frå elva og inntil saga. Mosaga var ei flaumsag og berre i bruk i vår- og haustflaumane.
Restar av høvelen frå år 1900 ligg også på sagtomta. Den vesle bakken på like før den blir borte i nyevegen heiter Sagbakken.
|
Tofterå Slettemoen genealogy
1832 - 1908 (76 years)
