| Notes |
- I band II av Os-soga finn eg nemleg ein Mikkel/Mikkjel Knutson f. ikr. 1656. Og kvar finn eg han? Jau, nettopp på garden Røykenes (som då var udelt - berre éitt gardsbruk).
No kan det sjølvsagt vera heilt tilfeldig at Nils Johanson/Johannesson og kona Synnøve Mikkelsdtr. bygsla Røykenes [tilliks med over 60% av gardane i Os var også R. Lysekloster-eigedom. Garden vart kjøpt fri i 1874] i 1728, men dersom far til Synnøve kom derfrå, vert det heile straks meir logisk. For i såfall bygsla dei garden der farbroren farfaren og oldefaren hennar hadde hatt. Eg tillet meg å sitera litt frå Os-soga om garden Røykenes:
Ei 'Mari Roegenes' var brukar på Røykenes i 1659 'og er den fyrste brukaren som me finn nemnd her. Mari var då ekkja og så fattig at ho ikkje betalte skatt. Mannen hennar heitte Mikkjel og dei hadde tvo søner, Knut, f.ikr.1633 og Mikkjel, f. ikr. 1637. Kva tid Mari og Mikkjel kom til Røykenes veit me ikkje, og me har heller ikkje greida på kvar dei kom frå. Kannhenda hadde dei havt ein gard ein stad men mist denne då dei ikkje greidde seg der. Røykenes er ikkje nemnd i krøtterteljingi i 1657, og dette tyder på at Mikkjel og Mari, um dei var komne til garden då, iminsto ikkje hadde fengje seg buskap. At dei nokre år etter, i 1668, kunne fostra 4 kyr syner at Røykenes hadde vore ein rydja og bygd gard fyrr som var lett å ta upp att'
'Knut Mikkjelson Røykenes, f. ikr. 1633, fekk bruket etter mori i 1664. Han var gift ikr. 1650 med ei som heitte Sigrid, men som me elles ikkje veit meir um. Kvar Knut og Sigrid var busette fyrr dei fekk bruket her i 1664 veit me ikkje. Det me veit er at dei ikkje var på Røykenes då. Av borni kjenner me fire: MIKKJEL, f. ikr. 1656, Marta f.ikr. 1658, Ingjerd, f. ikr. 1660 (ho fekk ei dotter, Aseli, i 1685), Ola, f. 1664, s.n. Knut rydja og dyrka mykje på garden. Han døydde i 1705 og kona i 1704'.
'Ola Knutson Røykenes, f. 1664, fekk farsbruket i 1690. G.I 1689 Kari Olsdtr. Eikhaug (Søfteland, f. 1664, d. 1696. G.II 1696 Ragnhild Rasmusdtr. Søfteland, f. 1669. Born: Nils, f.1689, s. n. Ola d.e. f. 1699, g. & b. Fana (seinare truleg b. Bergen), Ola d.y. f. 1711 etter faren sin død. 4 born døydde unge. Ola Knutson fall frå alt i 1710. Ragnhild flutte sidan attende til folket sitt på Søfteland og døydde der i 1738'.
'Nils Olson Røykenes, f. 1689, fekk bruket i 1710 då faren døydde. Nils vart gift alt i 1704, berre 14.5 år gamall, med Marta Pedersdtr. Tømmernes, f. 1679. Born: Johannes, f. 1705, Kari, f. 1707, Marta f. 1710. Nils greidde ikkje å sitja med bruket, og alt i 1713 måtte han segja garden fr¥ seg. Han flutte då til Fana og vart buande der ein stad. Kona hans døydde som ekkja på Søfteland i 1733'.
Dersom Mikkel/Mikkjel Hamre f. 1656 kom frå Røykenes, var altså Ola Knutson onkel til Synnøve og Nils Olson var søskenbarnet hennar. Den fjerde sonen til Niels Johanson/Johannesson og Synnøve Mikkelsdtr. får namnet Ola - ei oppattkalling av bror til faren hennar??
|
Tofterå Slettemoen genealogy
1689 - 1769 (80 years)
